डुबेर मृत्यु

काठमाडौं, २ चैत  

​कैलाली, धनगढी उपमहानगरपालिका-१९ स्थित मोहना नदीमा नुहाउने क्रममा डुबेर सोही ठाउँ बस्ने १५ वर्षीय दिनेश ओझा र १६ वर्षीय आसिस ओझाको शुक्रबार दिउँसो मृत्यु भएको छ । ​उक्त नदीमा नुहाउने क्रममा दिनेश समेत ४ जना डुबेको भन्ने खबर प्राप्त हुनासाथ इलाका प्रहरी कार्यालय बहुलिया समेतबाट खटिएको प्रहरीले खोजी गर्ने क्रममा उनीहरूको शव फेला परेको हो । साथै प्रहरीले २ जनालाई सकुशल उद्दार गरी उपचारको लागि सेती प्रादेशिक अस्पताल धनगढी पठाएको छ ।

​बाँके, कोहलपुर नगरपालिका-९ बबई टोल बस्ने बिट्टु खटिककी छोरी २ वर्षीया लक्ष्मी खटिकको सोही ठाउँस्थित पोखरीमा डुबेर शनिबार दिउँसो मृत्यु भएको छ । डुबेर अशक्त भएकी उनको कौशिल्या मेमोरियल अस्पताल बाँके हुँदै मेडिकल कलेज कोहलपुर बाँकेमा थप उपचारको क्रममा मृत्यु भएको हो ।

​यस सम्बन्धमा प्रहरीले आवश्यक अनुसन्धान गरिरहेको छ ।

✍🏻✍🏻
नेपाल प्रहरी प्रधान कार्यालय
प्रहरी महानिरीक्षकको सचिवालय
(केन्द्रीय प्रहरी समाचार कक्ष)