गृहमन्त्री सुधन गुरूङको उद्घोष– “नागरिकलाई केन्द्रमा राखेर काम गर्नुहोस्, नयाँ पुस्ताको हरेक प्रश्नको उत्तर नतिजाबाट दिनुपर्छ”
नागरिकमैत्री, प्रविधिमैत्री र उत्तरदायी नेपाल प्रहरी निर्माण गर्ने संकल्पसहित ७१औँ प्रहरी दिवस सम्पन्न!
काठमाडौँ, नेपाल प्रहरीले आफ्नो स्थापनाकालदेखि समाजमा शान्ति सुरक्षा कायम गर्न पुर्याएको योगदानको स्मरण गर्दै ७१औँ प्रहरी दिवस भव्यताका साथ मनाइएको छ। नेपाल प्रहरी प्रधान कार्यालयमा आयोजित विशेष श्रद्धाञ्जली तथा वार्षिकोत्सव समारोहलाई सम्बोधन गर्दै गृहमन्त्री सुधन गुरूङले नागरिकलाई केन्द्रमा राखेर उत्कृष्ट सेवा प्रवाह गर्न प्रहरी कर्मचारीहरूलाई निर्देशन दिनुभएको छ।
गृहमन्त्री गुरूङले प्रहरीको बोलीचाली, आचरण र कार्यशैलीलाई पूर्ण रूपमा नागरिकमैत्री बनाउनुपर्नेमा जोड दिनुभयो। भ्रष्टाचार, शक्तिको दुरूपयोग र पक्षपातविरुद्ध शून्य सहनशीलताको नीति अपनाउँदै अपराध नियन्त्रणमा कटिबद्ध रहन उहाँले सम्पूर्ण प्रहरी कर्मचारीहरूलाई आह्वान गर्नुभयो।
समारोहका अवसरमा नेपाल प्रहरी र समाजको प्रतिष्ठा अभिवृद्धिमा अतुलनीय योगदान पुर्याउनुहुने अवकाश प्राप्त प्रहरी नायव महानिरीक्षक डा. प्रेमलाल श्रेष्ठलाई ‘लाईफ टाइम अचिभमेण्ट अवार्ड’ प्रदान गरियो। साथै, उत्कृष्ट कार्यसम्पादन गर्ने लुम्बिनी प्रदेश प्रहरी कार्यालयका प्रमुख डिआइजी भूपेन्द्र बहादुर खत्रीलाई ‘प्रहरी व्याटन २०८३’ सहित विभिन्न पुरस्कार, छात्रवृत्ति र सम्मानहरू प्रदान गरिएको थियो।
कार्यक्रममा प्रधानमन्त्री वालेन्द्र शाहको शुभकामना सन्देश वाचन गर्दै प्रहरी महानिरीक्षक दान बहादुर कार्कीले नेपाल प्रहरीलाई आधुनिक प्रविधिले सुसज्जित, सक्षम र जनउत्तरदायी बनाउन सरकार प्रतिबद्ध रहेको बताएका छन्। हालैका विपद्का घटनाहरूमा समेत ज्यान जोखिममा राखेर नागरिकको सेवामा खटिने प्रहरीहरूको धैर्य र समर्पणको उच्च प्रशंसा गरिएको छ।
पछिल्लो समय बढ्दै an गरेको वित्तीय र साइबर अपराध रोकथामका लागि राष्ट्र बैंक, इन्टरनेट सेवाप्रदायक र डिजिटल वालेटहरूलाई समेटेर ‘इन्टिग्रेटेड एन्टी-स्क्याम सेन्टर’ तथा एआई र ड्रोन प्रविधिको प्रयोगसहित प्रहरी सेवालाई पूर्ण रूपमा प्रविधिमैत्री बनाउने दीर्घकालीन योजना अघि बढाइएको छ। यसका साथै, नेपाल प्रहरी अस्पताललाई मेडिकल कलेजका रूपमा विकास गर्ने सरकारको योजनाले प्रहरी परिवार र आम नागरिकको स्वास्थ्य सेवामा नयाँ आयाम थप्ने विश्वास गरिएको छ।
अमर प्रहरी स्मारकमा पुष्पहार अर्पण गर्दै देशको सुरक्षाका खातिर वीरगति प्राप्त गर्नुहुने अमर प्रहरीहरूप्रति उच्च सम्मान र भावपूर्ण श्रद्धाञ्जली अर्पण गरिएको यस विशेष समारोहले समग्र प्रहरी संगठनमा नयाँ ऊर्जा र राष्ट्रसेवाको भावना थपेको छ।
Photo: Nepal Police Headquarter
- विजया दशमीमा कस्तो रहनेछ देशभरको मौसम? हेर्नुहोस् मौसम पूर्वानुमान महाशाखाको अपडेट
- विजया दशमी विशेष दैनिक राशिफल: २०८३ कात्तिक ४ गते, बुधबार | नेपाल संवत्: ११४६ कौलाथ्व दशमी
- प्रहरी महानिरीक्षक दानबहादुर कार्कीद्वारा नक्सालमा बडा दसैँ मौलो पूजा सम्पन्न
- जुवातासको खालमा प्रहरीको छापा: ललितपुर र चितवनबाट नगद र ताससहित १७ जना नियन्त्रणमा
- २०८३ को विजयादशमी: देवी विसर्जन बिहान ८:४९ बजे, टीकाको साइत १०:२६ बजे
- बडा दशैँ २०८३ को पावन अवसरमा हार्दिक मङ्गलमय शुभकामना!
- बडा दशैँ, शुभ दीपावली, छठ पर्व तथा नेपाल संवत् ११४७ को हार्दिक मङ्गलमय शुभकामना!
- काठमाडौँ, कास्की र मोरङबाट ओखर, कौडा र तासबुकसहित १६ जना जुवाडे पक्राउ!
- टिकटकमा आपत्तिजनक भिडियो हाल्ने धनुषाका राजु यादव पक्राउ
- सुनसरी, झापा र चितवनबाट ५ लाखभन्दा बढी नगदसहित २० जना जुवाडे पक्राउ
- विजया दशमीमा कस्तो रहनेछ देशभरको मौसम? हेर्नुहोस् मौसम पूर्वानुमान महाशाखाको अपडेट
- विजया दशमी विशेष दैनिक राशिफल: २०८३ कात्तिक ४ गते, बुधबार | नेपाल संवत्: ११४६ कौलाथ्व दशमी
- प्रहरी महानिरीक्षक दानबहादुर कार्कीद्वारा नक्सालमा बडा दसैँ मौलो पूजा सम्पन्न
- जुवातासको खालमा प्रहरीको छापा: ललितपुर र चितवनबाट नगद र ताससहित १७ जना नियन्त्रणमा
- २०८३ को विजयादशमी: देवी विसर्जन बिहान ८:४९ बजे, टीकाको साइत १०:२६ बजे
- बडा दशैँ २०८३ को पावन अवसरमा हार्दिक मङ्गलमय शुभकामना!
- बडा दशैँ, शुभ दीपावली, छठ पर्व तथा नेपाल संवत् ११४७ को हार्दिक मङ्गलमय शुभकामना!
- काठमाडौँ, कास्की र मोरङबाट ओखर, कौडा र तासबुकसहित १६ जना जुवाडे पक्राउ!
- टिकटकमा आपत्तिजनक भिडियो हाल्ने धनुषाका राजु यादव पक्राउ
- सुनसरी, झापा र चितवनबाट ५ लाखभन्दा बढी नगदसहित २० जना जुवाडे पक्राउ
प्रतिकृया दिनुहोस्