विजया दशमी २०८३ को हार्दिक मङ्गलमय शुभकामना

आदरणीय तथा श्रद्धेय वडाबासी आमाबुबा, दाजुभाइ, दिदीबहिनी तथा आत्मीय युवा साथीहरूमा हार्दिक अभिवादन !

हाम्रो महान् सांस्कृतिक धरोहर, एकताको अमूल्य प्रतीक एवं असत्यमाथि सत्य र अन्धकारमाथि प्रकाशको विजयको उद्घोष गर्ने पावन पर्व विजया दशमी २०८३ को यस गरिमामय अवसरमा काठमाडौँ महानगरपालिका वडा नं. ९ का सम्पूर्ण आदरणीय वडाबासी जनसमुदाय साथै समस्त देश तथा बिदेश मा छरिएर रहनुभएका सम्पुर्ण नेपाली हरुमा सुख, शान्ति, सुस्वास्थ्य, दीर्घायु एवं निरन्तर प्रगतिको हार्दिक मङ्गलमय शुभकामना व्यक्त गर्दछु।

विजया दशमी केवल एउटा पर्व मनाउने परम्परा मात्र होइन, यो त हाम्राभित्र लुकेका निराशा, संकुचित सोच र अन्योलहरूलाई परास्त गर्दै नयाँ उमङ्ग, उच्च मनोबल र दृढ संकल्पका साथ अगाडि बढ्ने एउटा दिव्य प्रेरणा हो। रातो टीकाले जगाउने आत्मीयता, जमराको हरियालीले दिने समृद्धिको सन्देश र नवदुर्गा भवानीको शक्तिले हामीलाई सधैँ सत्य, न्याय, सद्भाव र लोककल्याणको मार्गमा अविचलित भई अघि बढ्न मार्गनिर्देश गर्दछ।

एक जनप्रतिनिधिको रूपमा मेरो अहोरात्रको मूल ध्येय भनेकै हाम्रो ९ नम्बर वडालाई स्वच्छ, सुरक्षित, सभ्य, आधुनिक र हरेक नागरिकले गर्व गर्न लायक नमुना वडा बनाउनु हो। चाडपर्वले ल्याउने यो सकारात्मक ऊर्जालाई हामीले आफ्नो क्षेत्रको रूपान्तरण र भलाइमा लगाउनुपर्छ। युवाहरूको नवप्रवर्तन र उत्साह, ज्येष्ठ नागरिकहरूको जीवनोपयोगी अनुभव र महिला शक्तिको अग्रसरतालाई एकीकृत गर्दै समृद्धिको नयाँ अध्याय लेख्न हामी प्रतिबद्ध छौँ।

शक्तिस्वरूपा श्री नवदुर्गा भवानीको असीम कृपा र आशीर्वादले यहाँहरू प्रत्येकको घरआँगनमा खुसी, समृद्धि र आरोग्यताको उज्यालो छाओस्। हाम्रा आपसी भ्रातृत्व र सामाजिक एकता अझ सुदृढ बनून् तथा अधुरा सपनाहरूले पूर्णता पाऊन् भन्ने कामना गर्दछु।

शुभ विजया दशमी २०८३ !
जय नवदुर्गा भवानी ! जय काठमाडौँ !
शुभकाङ्क्षी:
श्री रामजी भण्डारी
अध्यक्ष
काठमाडौँ महानगरपालिका, वडा नं. ९, काठमाडौँ !