झापादेखि सर्लाहीसम्म आगलागीले लाखौँको धनमाल क्षति

काठमाडौं, १७ कात्तिक
देशका विभिन्न स्थानमा सोमबार बिहानै लागेका आगलागीका घटनाले जनजीवन त्रसित बनाएको छ।

झापा, विर्तामोड नगरपालिका–५ ईन्द्रेणी टोलमा बसोबास गर्दै आएका रमेश राजबंशीको घरमा विद्युत सर्ट हुँदा आगलागी भई करिब रु. २ लाख ५० हजार बराबरको धनमाल जलेर नष्ट भएको प्रहरीले जनाएको छ।

त्यसैगरी, सर्लाहीको मलंगवा नगरपालिका–४ मा रहेको बिकाश गोयलले सञ्चालन गरेको जय बजरंग प्लाई फ्याक्ट्रीमा पनि भीषण आगलागी भएको छ। बिहानै शुरु भएको आगोले फ्याक्ट्रीका सामग्री र कच्चा पदार्थ जलेर करिब रु. ९ लाख बराबरको क्षति पुगेको बताइन्छ।

स्थानीयवासी र दमकलको सहयोगमा दुवै स्थानमा आगो नियन्त्रणमा लिन सफल भए पनि ठूलो आर्थिक क्षति भएको छ।
प्रहरीले आगलागीको कारण र क्षतिको विवरणबारे थप अनुसन्धान गरिरहेको जनाएको छ।

🔥 सावधानी अपनाऔं — सानो गल्तीले ठूलो दुर्घटना निम्त्याउन सक्छ!