जबरजस्ती करणीको अभियोगमा दुई जना पक्राउ

काठमाडौं, जबरजस्ती करणी गरेको अभियोगमा उदयपुर र बाँकेबाट प्रहरीले दुई जनालाई पक्राउ गरेको छ।

उदयपुर । १९ वर्षीया किशोरीलाई जबरजस्ती करणी गरेको अभियोगमा कटारी नगरपालिका–५ लालपुर बस्ने ३५ वर्षीय समिर मगरलाई प्रहरीले पक्राउ गरेको छ। समिरले ती किशोरीलाई जबरजस्ती करणी गरेको भन्ने उजुरीका आधारमा जिल्ला प्रहरी कार्यालय उदयपुरबाट खटिएको प्रहरीले उनलाई बिहीबार दिउँसो पक्राउ गरेको हो।

बाँके । २० वर्षीया महिलालाई जबरजस्ती करणी गरेको अभियोगमा बैजनाथ गाउँपालिका–३ बस्ने ३८ वर्षीय मानबहादुर कामीलाई प्रहरीले पक्राउ गरेको छ। मानबहादुरले ती महिलालाई जबरजस्ती करणी गरेको भन्ने उजुरीका आधारमा इलाका प्रहरी कार्यालय कोहलपुरबाट खटिएको प्रहरीले उनलाई बिहीबार राति पक्राउ गरेको हो।

दुवै घटनाका सम्बन्धमा प्रहरीले आवश्यक अनुसन्धान गरिरहेको जनाएको छ।