जुवातास खेलिरहेको अवस्थामा १५ जना पक्राउ, ३ लाख ६७ हजारभन्दा बढी नगद बरामद

काठमाडौं, भक्तपुर र रूपन्देहीमा जुवातास खेलिरहेको अवस्थामा प्रहरीले १५ जनालाई पक्राउ गरेको छ।

भक्तपुरको चाँगुनारायण नगरपालिका–९, ताथलीस्थित पात्ले जंगलमा जुवा (ओखर) खेलिरहेको अवस्थामा ३२ वर्षीय विजय खत्रीसहित ६ जना पक्राउ परेका छन्। उनीहरूको साथबाट २ लाख ३४ हजार ५ सय रुपैयाँ र १७ थान ओखर बरामद भएको प्रहरीले जनाएको छ।

यस्तै, रूपन्देहीको बुटवल उपमहानगरपालिका–३, गोलपार्कबाट जुवातास खेलिरहेको अवस्थामा ३४ वर्षीय आकाश गुरुङसहित ९ जना पक्राउपरेका छन्। उनीहरूको साथबाट १ लाख ३२ हजार ६ सय ८५ रुपैयाँ र ८ बुक तास बरामद भएको छ।

दुवै घटनामा पक्राउ परेकाहरूमाथि प्रहरीले आवश्यक अनुसन्धान गरिरहेको जनाएको छ।