रोल्पामा चट्याङ लागेर ५९ वर्षीय खत्रीको मृत्यु

रोल्पा, २९ साउन । रोल्पाको लुङग्री गाउँपालिकामा चट्याङ लागेर एक जनाको मृत्यु भएको छ।

लुङग्री गाउँपालिका–१ खदर बस्ने ५९ वर्षीय वीरबहादुर खत्रीको बिहीबार राति चट्याङ लागेर मृत्यु भएको प्रहरीले जनाएको छ।

आफ्नै घरमा बसिरहेको अवस्थामा चट्याङ लागेर गम्भीर घाइते भएका खत्रीलाई उपचारका लागि स्थानीय स्वास्थ्य चौकी पाङ लगिएको थियो। उपचारकै क्रममा उनको मृत्यु भएको हो।

घटनाका सम्बन्धमा प्रहरीले आवश्यक अनुसन्धान गरिरहेको जनाएको छ।