जुवातास खेलिरहेको अवस्थामा ८९ हजार रुपैयाँसहित चार जना पक्राउ

दाङ, लमही नगरपालिका–३ नारायणपुरस्थित नारायणीश्वरी मन्दिरको प्रतीक्षालयमा जुवातास खेलिरहेको अवस्थामा चार जनालाई प्रहरीले पक्राउ गरेको छ।

अस्थायी प्रहरी पोष्ट नर्तीबाट खटिएको प्रहरी टोलीले उनीहरूलाई नगद ८९ हजार २३ रुपैयाँसहित मंगलबार साँझ पक्राउ गरेको हो।

पक्राउ परेकाहरूमाथि घटनाबारे आवश्यक अनुसन्धान भइरहेको प्रहरीले जनाएको छ।