न्यूजिल्याण्डदेखि जर्मनीसम्म पठाइदिन्छु भन्दै ४७ लाख ठगी, ३ जना पक्राउ

काठमाडौं, आकर्षक तलबको प्रलोभन देखाउँदै न्यूजिल्याण्ड, जर्मनी र यूएई पठाइदिन्छु भन्दै सर्वसाधारणबाट लाखौँ रुपैयाँ ठगी गरेको आरोपमा प्रहरीले तीन जनालाई पक्राउ गरेको छ।

प्रहरीका अनुसार धनाले ५ जनाबाट १६ लाख, रामबहादुरले २५ लाख र सुबोधले ६ लाख रुपैयाँ लिएको उजुरी परेको थियो। उनीहरूलाई काठमाडौं उपत्यका अपराध अनुसन्धान कार्यालय, टेकुबाट खटिएको प्रहरीले भक्तपुर र काठमाडौंका विभिन्न स्थानबाट पक्राउ गरेको हो।

पक्राउ परेकाहरूलाई आवश्यक अनुसन्धान तथा कारबाहीका लागि वैदेशिक रोजगार विभाग, ताहाचल पठाइएको प्रहरीले जनाएको छ।

विदेश जाने नाममा रकम बुझाउनुअघि म्यानपावर तथा एजेन्टको वैधानिकता अनिवार्य जाँच गर्नुहोस्।