एमाले महाधिवेशनको ‘डिसिजन डे’ आज! बन्दसत्र ३ बजेदेखि, नेतृत्व चयनको बाटो खुल्ने

काठमाडौं, मंसिर २८ — नेकपा (एमाले) को ११औँ राष्ट्रिय महाधिवेशन अन्तर्गत सबैको ध्यान केन्द्रित भएको बन्दसत्र आज दिउँसो ३ बजेदेखि सुरु हुने भएको छ। केन्द्रीय कमिटी बैठक लम्बिँदा बन्दसत्रको समय पटक–पटक सर्दै अन्ततः ३ बजेका लागि तय गरिएको हो।

सुरुमा १२ बजे तोकिएको बन्दसत्र
१ बजे सरेको थियो
अब ३ बजेबाट औपचारिक रूपमा सुरु हुने भएको छ।

खाना पछि ‘निर्णायक सत्र’

एमाले प्रचार तथा प्रकाशन विभाग प्रमुख राजेन्द्र गौतम का अनुसार प्रतिनिधिहरूले खाना खाएपछि बन्दसत्र सुरु गरिनेछ। बन्दसत्र काठमाडौंको भृकुटीमण्डप मा आयोजना हुँदैछ, जहाँ २,२६२ जना महाधिवेशन प्रतिनिधि सहभागी छन्। अहिले प्रतिनिधिहरू भृकुटीमण्डप परिसरमा भेला भइसकेका छन्।

पुरानै विधान, नयाँ संरचना

यसअघि बसेको केन्द्रीय कमिटी बैठकले पार्टीको पुरानै विधानको मूल मर्म नछोई अघि बढ्ने निर्णय गरेको छ। वैचारिक धारामा कुनै परिवर्तन नगरी संरचनागत र सङ्ख्यागत समायोजन मात्र गरिने निर्णय भएको हो।

प्रस्तावित नयाँ संरचना:

• अध्यक्ष : १

• उपाध्यक्ष : ५

• महासचिव : १

• उपमहासचिव : ३

• सचिव : ९
  ➡️ ३०१ सदस्यीय केन्द्रीय कमिटी

यससँगै
९९ सदस्यीय पोलिटब्युरो
पोलिटब्युरोको एक तिहाइ संख्यामा स्थायी कमिटी गठन गरिनेछ।

अब नजर नेतृत्वतर्फ

पार्टी नेतृत्वका अनुसार बन्दसत्रबाट विधान संशोधन पारित भएपछि नयाँ नेतृत्व चयन प्रक्रिया अघि बढ्ने छ। त्यसैले आजको बन्दसत्रलाई एमाले महाधिवेशनको सबैभन्दा निर्णायक चरण का रूपमा हेरिएको छ।

एमालेको नेतृत्व कसको हातमा जाने? सहमति कि प्रतिस्पर्धा? सबै उत्तर आजको बन्दसत्रबाट आउने अपेक्षा गरिएको छ।