देशभर लागूऔषधविरुद्ध प्रहरीको ‘मेगा अपरेशन’: एकैदिन २५ जना पक्राउ!

काठमाडौं, २४ मंसिर

नेपालभर विभिन्न जिल्लामा प्रहरीले मंगलबार सञ्चालन गरेको विशेष लागूऔषध नियन्त्रण अभियानमा २५ जनालाई विभिन्न खालका प्रतिबन्धित/अवैध पदार्थ सहित पक्राउ गरिएको छ। एकपछि अर्को स्थानमा गरिएको छापा र चेकजाँचका क्रममा खैरो हेरोइन, ब्राउनसुगर, ट्रामाडोल, डाईजेपाम, बुप्रेनोर्फिन, फेनारगन लगायतका पदार्थ ठूलो परिमाणमा बरामद भएको प्रहरीले जनाएको छ।

चितवन : मोटरसाइकलमै हेरोइनसहित पक्राउ

भरतपुर–२६, ज्योतीनगर बजारमा इलाका प्रहरी कार्यालय चनौलीको टोलीले २६ वर्षीय बिष्णु गुरूङलाई करिब १.२९ ग्राम खैरो हेरोइन जस्तो देखिने पदार्थ र नगद १३ हजारसहित नियन्त्रणमा लिएको छ।

वीरगंज : ६०,५३० वटा ट्रामाडोल ट्याब्लेटसहित २ युवक पक्राउ

प्रतिमा चोक नजिक चेकजाँचका क्रममा बा.प्र.०८–००१ ज ०११७ नम्बरको इभी गाडीमा सवार

• रामहरी मगर (१९),

• राजकुमार मगराती (१९)
  लाई प्रहरीले ६० हजारभन्दा बढी ट्रामाडोल सहित पक्राउ गरेको हो।

यसैगरी वीरगंज–१० बाट २४ वर्षीय बिशाल कुमार गुप्ता करिब १.४४ ग्राम हेरोइन जस्तो पदार्थसहित समातिएका छन्।

कैलाली : टीकापुरमा ‘ड्रग चेन’ भत्कियो, ३ अलग घटनामा ४ जना नियन्त्रणमा

• टीकापुर–९ बालुवाटारमा २८ वर्षीय कृष्ण बहादुर साउद,

• टीकापुर–९ खक्रौलमा प्रविण साउद (३१) र धन बहादुर चौधरी (२६)
  करिब ४.०५ ग्रामदेखि ८६० मिलिग्रामसम्मको हेरोइन जस्तो पदार्थसहित पक्राउ परे।

जनकपुर : मोटरसाइकलमै ४.७२ ग्राम ब्राउनसुगरसहित एक व्यक्ति पक्राउ

विदेह–१ का ४१ वर्षीय अशोक कुमार साह प्र.२–०२–००१ प ९१७३ नम्बर मोटरसाइकलमा सवार अवस्थामा जनकपुर प्रवेश गर्ने क्रममा पक्राउ परे।

नेपालगञ्ज : सीमाबाट पैदल ल्याउँदै गर्दा ३७.४८ ग्राम ब्राउनसुगरसहित २ विदेशी नागरिक पक्राउ

भारतबाट नेपालतर्फ आइरहेका

• थरूवा अहमद (२२)

• तोहिद खान (२५)
  लाई जमुनाह नाकामा प्रहरीले नियन्त्रणमा लिएको हो।

मुग्लिङ : ३–३ एम्पुलका प्रतिबन्धित इन्जेक्सनसहित २ जना समातिए

डाईजेपाम, बुप्रेनोर्फिन र फेनारगनका ३१/३१ एम्पुल सहित

• निर्मल बस्याल (२८)

• पृतम लामा (३७)
  लाई प्रहरीले पक्राउ गर्‍यो।

भरतपुर–१० : १६२.२९ ग्राम ब्राउनसुगर जस्तै पदार्थसहित ८ जनाको समूह पक्राउ

यो अपरेशन मंगलबारकै सबैभन्दा ठूलो बरामदगीमध्ये एक मानिएको छ। विभिन्न स्थानका १९ देखि ३६ वर्ष उमेर समूहका ८ जनालाई प्रहरीले पक्राउ गर्‍यो।

इटहरी : मोटरसाइकलमा १४ ग्राम ब्राउनसुगरसहित २ व्यक्ति पक्राउ

बिआर–३८ टी ३५९६ मा सवार

• सुरज कुमार सोनी (३०)

• केशव कुमार सोनी (२५)
  लाई नियन्त्रणमा लिइयो।

विराटनगर : दुई अलग घटनामा ३ जना हेरोइनसहित समातिए

• विराटनगर–१६ बाट राकेश यादव (४१) र निरज राय (२६)

• विराटनगर–१५ बाट दावा लामा होल्मो (३४)
  जसबाट करिब ५.१५ ग्रामदेखि ५८.१४ ग्रामसम्म हेरोइन जस्तो पदार्थ बरामद भएको छ।

प्रहरी : देशव्यापी लागुऔषध नियन्त्रण अभियान थप कडा बनाइने

प्रहरीका अनुसार सबै घटनाहरूको गहिरो अनुसन्धान जारी छ र यो प्रकारका समन्वित अपरेशनहरू अझ तीव्र बनाइने जनाइएको छ।