चितवनमा दुखद घटना: पानी तान्ने क्रममा करेन्ट लागेर ६९ वर्षीय पुरुषको मृत्यु

चितवन, ३० कात्तिक — कालिका नगरपालिका–७ तल्लो बजारमा एक वृद्ध पुरुषको करेन्ट लागेर मृत्यु भएको दुखद घटना सार्वजनिक भएको छ।
घर नजिकैको कुलोबाट विद्युतीय मोटर चलाएर पानी तान्ने क्रममा ६९ वर्षीय चन्द्र प्रसाद पन्त करेन्ट लागेर गम्भीर घाइते भएका थिए।

घाइते अवस्थामै उनलाई तुरुन्त सरकारी अस्पताल भरतपुर लगिएको थियो, तर उपचारको क्रममा उनको मृत्यु भएको प्रहरीले जनाएको छ।

प्रहरी अनुसन्धान जारी

प्रहरीका अनुसार घटनाको विस्तृत कारणबारे थप अनुसन्धान भइरहेको छ।