श्रीमतीको हत्या गरेको अभियोगमा श्रीमान् पक्राउ

नवलपरासी पूर्व, ३० भदौ। आफ्नै श्रीमतीको हत्या गरेको अभियोगमा नवलपरासी पूर्वको विनय त्रिवेणी गाउँपालिका–३, चिसापानीका ४३ वर्षीय शेरबहादुर विकलाई प्रहरीले पक्राउ गरेको छ।

प्रहरीका अनुसार विकले ४० वर्षीया श्रीमती उनिमाया विकमाथि धारिलो हतियार खुर्पा प्रहार गरेका थिए। घटनामा उनिमायाको घटनास्थलमै मृत्यु भएको सूचना प्राप्त भएपछि इलाका प्रहरी कार्यालय दुम्किबाससहितबाट खटिएको प्रहरी टोलीले शेरबहादुरलाई पक्राउ गरेको हो।

घटनाबारे प्रहरीले थप अनुसन्धान गरिरहेको जनाएको छ।