काठमाडौं, २८ साउन । वैदेशिक रोजगारसम्बन्धी कसुर मुद्दामा फरार रहेका एक जना प्रतिवादीलाई प्रहरीले पक्राउ गरेको छ।

पक्राउ पर्नेमा काठमाडौं महानगरपालिका–९ सिनामंगल बस्ने तथा धनुषाको धनुषाधाम नगरपालिका–७ घर भएका ४१ वर्षीय राज कुमार महरारहेका छन्।

वैदेशिक रोजगार न्यायाधिकरण, काठमाडौंको उक्त मुद्दामा पक्राउ अनुमति प्राप्त भई फरार रहेका महरालाई काठमाडौं उपत्यका अपराध अनुसन्धान कार्यालय, टेकुबाट खटिएको प्रहरीले काठमाडौं महानगरपालिका–९ शम्भुमार्गबाट मंगलबार पक्राउ गरेको हो।

पक्राउ परेका महरालाई आवश्यक अनुसन्धान तथा कानुनी कारबाहीका लागि वैदेशिक रोजगार विभाग, ताहाचल काठमाडौं पठाइएको प्रहरीले जनाएको छ।