शुक्रबारदेखि काठमाडौंमा सुरु हुँदैछ नेपाल-अफ्रिका अन्तर्राष्ट्रिय चलचित्र महोत्सव २०२६

काठमाडौँ
राजधानी काठमाडौंमा शुक्रबार (२ माघ)बाट १४ औँ नेपाल-अफ्रिका अन्तर्राष्ट्रिय चलचित्र महोत्सव–२०२६ सुरु हुँदैछ। यस वर्ष महोत्सवमा नेपालसहित २० देशका ४३ वटा चलचित्र प्रदर्शनका लागि चयन भएका छन्।

चलचित्र विकास बोर्ड, चाबहिलमा आयोजना हुने महोत्सवमा नेपाली समूहबाट करिब ४ दर्जनभन्दा बढी चलचित्र, वृत्तचित्र र लघु चलचित्रबाट २० नेपाली चलचित्र फाइनल भएका छन्।

नेपाली कथानक चलचित्रतर्फ फाइनलमा छनोट भएका चलचित्रहरू:

• ‘अञ्जिला’ – निर्देशक मिलन चाम्स

• ‘कोशेढुगा’ – निर्देशक सरोज पौडेल

• ‘माग्ने राजा’ – निर्देशक ऋषि लामिछाने

• ‘परान’ – निर्देशक दीपकप्रसाद आचार्य

• ‘यो मन त मेरो नेपाली हो’ – निर्देशक नर प्रधान (मित्र)

वृत्तचित्रतर्फ छनोट भएका छन्:

• ‘अरिङ्गाल म्यान’ – भिमलाल श्रेष्ठ

• ‘डान्सिङ इन फायर’ – रमेश खड्का

• ‘अ बडी नट माइन्ड’ – निशा मानन्धर

लघु चलचित्रतर्फ खुला र विद्यार्थी समूहमा १० वटा प्रदर्शन हुनेछन्।

अन्तर्राष्ट्रिय समूहमा १९ देशका २३ वटा लघु चलचित्र महोत्सवमा प्रदर्शनका लागि चयन भएका छन्।
उदाहरणका लागि:

• इन्डोनेसियाबाट ‘इक्लिप्से’

• ताइवानबाट ‘द इल्डर क्र्याब’

• संयुक्त राज्य अमेरिकाबाट ‘ग्राम्पी ओल्ड म्यान’ र ‘द जब’

• फ्रान्सबाट ‘अगस्ट १७ एट फाईभ पि एम’

• भारतबाट ‘ब्ल्यु’

अन्तर्राष्ट्रिय कथानक चलचित्रतर्फ बङ्गलादेशबाट ‘मेमोरी अफ ग्लुमी मनसुन’, कोष्ट डी आइभोरीबाट ‘साइलेन्स मोर्टेल’ चयन भएका छन्।

अन्तर्राष्ट्रिय वृत्तचित्रतर्फ:

• युक्रेन: ‘द स्केडुलेड अफ फाइटिङ टु लर्न’

• स्टोनिया: ‘अटिस्ट अफ सर्भिलय’

• जर्मनी: ‘गर्लस् डन्ट प्ले स्पोर्टस्’

अफ्रिकन चलचित्रतर्फ:

• इजिप्ट: ‘द मंकी’

• ट्युनिशिया: ‘मेट्रो पोलिस’

• मोरक्को: ‘द चेम्बर’

महोत्सवमा नृत्य कार्यशाला, चित्रकला प्रदर्शनी, मास्टर क्लास र अन्तरक्रिया कार्यक्रम पनि सञ्चालन हुनेछन्।

महोत्सवका निर्देशक डब्बु क्षत्रीका अनुसार, पछिल्लो वर्षबाट विश्वभरका चलचित्र समेट्ने उद्देश्यसहित महोत्सवलाई ‘नेपाल-अफ्रिका अन्तर्राष्ट्रिय चलचित्र महोत्सव’ नाम दिइएको हो।

महोत्सव माघ ५ गतेसम्म सञ्चालन हुनेछ।