पुष्प व्यवसायीका लागि सुनौलो अवसर! ग्लोबल आइएमई बैंकले ल्यायो हरितगृह कर्जा

काठमाडौँ ।
पुष्प खेतीलाई आधुनिक, दिगो र व्यवसायिक बनाउने दिशामा ग्लोबल आइएमई बैंक लिमिटेडले ठूलो कदम चालेको छ। बैंकले पुष्प खेती तथा आलङ्कारीक बाली उत्पादनका लागि विशेष हरितगृह कर्जा प्रवाह गर्ने भएको छ।

यसका लागि ग्लोबल आइएमई बैंक र फ्लोरिकल्चर एसोसिएशन नेपाल (FAN) बीच औपचारिक समझदारी भएको छ। सम्झौतामा बैंकका इन्फ्रास्टक्चर तथा प्रोजेक्ट फाइनान्सिङ प्रमुख अशीम कर्माचार्य र फ्लोरिकल्चर एसोसिएशन नेपालका अध्यक्ष राजेश भक्त श्रेष्ठले हस्ताक्षर गरेका हुन्।

सम्झौता अनुसार बैंकले पुष्प व्यवसायी तथा कृषकहरूलाई लक्षित गर्दै विशेष हरितगृह कर्जा योजना सञ्चालन गर्नेछ। उता फ्लोरिकल्चर एसोसिएशन नेपालले आफ्ना सदस्यहरूलाई बैंकको कृषि तथा हरितगृह कर्जा योजनाबारे जानकारी गराउनेछ।

 यस सहकार्यबाट
पुष्प उत्पादन र उत्पादकत्व वृद्धि
आधुनिक हरितगृह प्रविधिको प्रवद्र्धन
गुणस्तरीय पूर्वाधार विकास
जलवायु अनुकूलन अभ्यास र दिगो व्यवसाय प्रवर्द्धन
जस्ता क्षेत्रमा उल्लेखनीय सहयोग पुग्ने विश्वास लिइएको छ।

बैंकद्वारा जारी विज्ञप्तिमा आधुनिक प्रविधि अपनाउँदै पुष्प व्यवसायलाई प्रतिस्पर्धी र दिगो बनाउने लक्ष्य रहेको उल्लेख गरिएको छ।