आगलागीबाट विभिन्न धनमाल जलेर नष्ट

काठमाडौं, २२ चैत  

रोल्पा, रोल्पा नगरपालिका-८ गैराखुटी बस्ने अमृता महराको घरमा बिहीबार दिउँसो आगलागी हुँदा घर पूर्णरूपमा जलेर करिब ४ लाख ४ हजार रूपैयाँ बराबरको धनमाल नष्ट भएको छ ।

​रूपन्देही, रोहिणी गाउँपालिका-४ दमरपुरूवा बस्ने दुर्गा खवास घर्तीको गोठमा विद्युत सर्ट भई शुक्रबार दिउँसो आगलागी हुँदा गोठ पूर्णरूपमा जलेर करिब १ लाख ५० हजाररूपैयाँ बराबरको धनमाल नष्ट भएको छ ।  

​मकवानपुर, राक्सिराङ गाउँपालिका-७ चरिमारास्थितजंगलमा शुक्रबार बिहान लागेको आगो फैलिएर सोही ठाउँ बस्ने सुब्बा प्रजाको घर र गोठ तथा चन्द्र प्रजाको घरमा समेत आगलागी हुँदा करिब ३ लाख रूपैयाँ बराबरको धनमाल जलेर नष्ट भएको छ ।  

प्रहरीले स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।

✍🏻✍🏻