आगलागीबाट विभिन्न धनमाल जलेर नष्ट

काठमाडौं, १७ फागुन  

​कास्की, पोखरा महानगरपालिका-९ न्यूरोडस्थित रमेश शर्मा लुहारको शर्मा आईटि हब पसलमा शुक्रबार बेलुकी आगलागी हुँदा कम्प्युटर, ल्यापटप, प्रिन्टर, इन्भर्टर, ब्याट्रीलगायतका विभिन्न सरसामानहरू जलेर करिब १ करोडरूपैयाँ बराबरको धनमाल नष्ट भएको छ । साथै आगलागी फैलिएर उक्त पसलसँगै जोडिएको हेमन्त सिंहको श्यामा श्याम ट्रेडर्समा समेत आगलागी हुँदा सोलार र ब्याट्री लगायतका सामानहरू जलेर क्षति भएको छ ।

​तेह्रथुम, फेदाप गाउँपालिका-५ नामिन्ता बस्ने ५९ वर्षीयराम बहादुर लिम्बुको घरमा शुक्रबार दिउँसो आगलागी हुँदा घरपूर्णरूपमा जलेर करिब ५ लाख रूपैयाँ बराबरको धनमाल नष्ट भएको छ ।

​भक्तपुर, मध्यपुर ठिमी नगरपालिका-४ चारदोबाटोस्थित काभ्रे बनेपा नगरपालिका-२ घर भएका होमनाथ घिमिरेको चण्डेश्वरी दुध डेरीमा विद्युत सर्ट भई गए राति आगालगी भएकोछ । क्षतिको विवरण हाल खुलेको छैन् ।

​प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।

✍🏻✍🏻

नेपाल प्रहरी प्रधान कार्यालय

प्रहरी महानिरीक्षकको सचिवालय

(केन्द्रीय प्रहरी समाचार कक्ष)