सवारी दुर्घटनामा दुई जनाको मृत्यु

काठमाडौं, १७ फागुन  

​सप्तरी, हनुमानगर कंकालिनी नगरपालिका-१ भित्रीसडकमा भलुवाबाट कंकालिनी मंन्दिरतर्फ आउँदै गरेको अनटेष्ट लेखिएको मोटरसाइकलबाट लडेर मोटरसाइकलमा सवार सुनसरी कोशी गाउँपालिका-६ कुम्याही बस्ने ५०वर्षीया बतुल खातुनको शुक्रबार साँझ मृत्यु भएको छ । दुर्घटनामा गम्भीर घाइते भएकी उनको कोशी न्यूरो अस्पताल ईनरूवा सुनसरीमा थप उपचारको क्रममा मृत्यु भएको हो ।

​दाङ, राजपुर गाउँपालिका-३ खरदरीयास्थित सडकमा बेलाबाट खरदरीयातर्फ जाँदै गरेको प्र.०३-०३० प ५६०३ नम्बरको मोटरसाइकलको ठक्करबाट पैदलयात्री सोही ठाउँ बस्ने ३७ वर्षीया बिष्णा यादवको मृत्यु भएको छ । शुक्रबार बेलुकी भएको उक्त दुर्घटनामा गम्भीर घाइते भएकी उनको लमही अस्पताल लमही हुँदै राप्ती स्वस्थ्य विज्ञान प्रतिष्ठान घोराहीमा थप उपचारको क्रममा शनिबार बिहान मृत्यु भएको हो । हाल फरार मोटरसाइकल चालकको प्रहरीले खोजी गरिरहेको छ ।

​दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।

✍🏻✍🏻

नेपाल प्रहरी प्रधान कार्यालय

प्रहरी महानिरीक्षकको सचिवालय

(केन्द्रीय प्रहरी समाचार कक्ष)