आगलागीबाट विभिन्न धनमाल जलेर नष्ट

काठमाडौं, ६ चैत​

उदयपुर, ताप्ली गाउँपालिका-२ चिसापानी बस्ने ४८ वर्षीयगणेश बहादुर श्रेष्ठको कुखुरा फर्ममा विद्युत सर्ट भई मंगलबार राति आगलागी हुँदा करिब ५ लाख रूपैयाँ बराबरको धनमालजलेर नष्ट भएको छ ।

​पाँचथर, फिदिम नगरपालिका-५ सरसिउला बस्ने कोपिला सिवाको घरमा विद्युत सर्ट भई मंगलबार दिउँसो आगलागी हुँदा घर पुर्णरूपमा जलेर करिब ४ लाख रूपैयाँ बराबरको धनमाल नष्ट भएको छ ।

दाङ, बबई गाउँपालिका-४ हस्तानापुरस्थित सडकमा टाइगर चोकबाट हापुरेतर्फ कपास लोड गरी आउँदै लु.१ च ५५०३ नम्बरको ट्रकमा बुधबार दिउँसो आगलागी हुँदा करिब ३ कुईन्टल कपास जलेर क्षति भएको छ ।

प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।

✍🏻✍🏻

नेपाल प्रहरी प्रधान कार्यालय
प्रहरी महानिरीक्षकको सचिवालय
(केन्द्रीय प्रहरी समाचार कक्ष)