बडा दशैँ २०८३ को हार्दिक मङ्गलमय शुभकामना!

ॐ सर्वमङ्गलमङ्गल्ये शिवे सर्वार्थसाधिके।
शरण्ये त्र्यम्बके గౌरि नारायणि नमोऽस्तु ते॥

हिमाल, पहाड र तराईको भूगोलले मात्र नभई साझा इतिहास, सभ्यता र अटुट सांस्कृतिक सुत्रले हामीलाई एक सूत्रमा बाँधेको छ। नेपालीहरूको महान् चाड बडा दशैँ २०८३ को पावन अवसरमा, मातृभूमि नेपाल तथा संयुक्त राज्य अमेरिकाको न्यु ह्याम्पशायर लगायत विश्वका विभिन्न कुनामा कर्मथलो बनाई छरिएर रहनुभएका सम्पूर्ण आदरणीय नेपाली दाजुभाइ तथा दिदीबहिनीहरू, विज्ञहरू, उद्यमीहरू, विद्यार्थी तथा बौद्धिक व्यक्तित्वहरूमा सुख, शान्ति, सुस्वास्थ्य, दीर्घायु, उत्तरोत्तर प्रगति एवं समृद्ध जीवनको हार्दिक मङ्गलमय शुभकामना व्यक्त गर्दछु।

भौगोलिक रूपमा हामी जहाँ, जस्तोसुकै पेसा वा कर्ममा व्यस्त रहे पनि हाम्रो मन, मुटु र प्राण सधैँ नेपाल, नेपाली कला, संस्कृति र धर्मसँगै जोडिएको हुन्छ। विदेशमा रहेर पनि आफ्ना मौलिक चाडपर्व, रीतिरिवाज र परम्परालाई जगेर्ना गर्दै नेपाल र नेपालीको साख उच्च राख्न यहाँहरूले खेल्नुभएको भूमिका अत्यन्तै सराहनीय छ। दशैँ केवल टीका र जमरा लगाउने पर्व मात्र होइन; यो त परदेशमा रहेका हामीहरूलाई आफ्ना माटो, संस्कृति र पारिवारिक पुनर्मिलनको भावनासँग जोड्ने एक जीवन्त सेतु पनि हो।

नेपालको आर्थिक, सामाजिक, शैक्षिक, स्वास्थ्य, सूचना प्रविधि तथा कूटनीतिक सम्बन्धलाई अन्तर्राष्ट्रिय स्तरमा विस्तार गर्न र डायस्पोराको तर्फबाट राष्ट्र निर्माणमा योगदान पुर्‍याउन अहोरात्र खटिनुहुने सम्पूर्ण श्रमजीवी, व्यवसायी तथा पेसाकर्मी साथीहरूप्रति विशेष सम्मान प्रकट गर्दछु। विश्व मञ्चमा नेपालको पहिचानलाई उच्च बनाउन र द्विपक्षीय सम्बन्धलाई बलियो बनाउन यहाँहरूको योगदान कूटनीतिक तथा व्यावसायिक रूपमा समेत अत्यन्तै महत्त्वपूर्ण छ।

आद्यशक्ति नवदुर्गा भवानीले हामी सबैमा असत्यमाथि सत्यको विजय प्राप्त गर्ने प्रेरणा, परदेशमा पनि नेपाली मौलिकता र संस्कृतिको संरक्षण गर्ने चेतना तथा राष्ट्रप्रतिको दायित्व पूरा गर्ने अटल ऊर्जा प्रदान गरून्। विजया दशमीको यस शुभ अवसरले विश्वभर छरिएका नेपालीहरूबीचको आपसी सद्भाव, भाइचारा र एकतालाई अझ सुदृढ बनाउन सकोस्।

पुनः बडा दशैँ २०८३ को हार्दिक शुभकामना!
जय मातृभूमि!
इश्वरी भट्ट
प्रधान संपादक अनेसास न्यू ह्याम्पसायर