भावुक सन्देशसहित रोशन दानीको चुनावी घोषणा

काठमाडौं । काठमाडौं निर्वाचन क्षेत्र नम्बर ९ बाट प्रतिनिधिसभा सदस्यका उम्मेदवार रोशन दानीले आफ्नो चुनावी यात्राको औपचारिक घोषणा गर्नुभएको छ। सामाजिक सञ्जालमार्फत धारणा सार्वजनिक गर्दै उहाँले देशप्रतिको माया, त्याग र सपनालाई आत्मसात् गर्दै चुनावी मैदानमा होमिएको बताउनुभएको हो।

देशको वर्तमान विषम परिस्थितिप्रति चिन्ता व्यक्त गर्दै उहाँले आफू कुनै व्यक्तिगत खुशी, लाभ वा लस्करको खोजीमा नभएको स्पष्ट गर्नुभएको छ। देश र जनताको हितका लागि संघर्ष गर्ने संकल्पका साथ आफू चुनावी प्रतिस्पर्धामा उत्रिएको उहाँको भनाइ छ।

रोशन दानीको उम्मेदवारी घोषणासँगै काठमाडौं–९ मा चुनावी माहोल थप सक्रिय हुने अपेक्षा गरिएको छ। उहाँले सामाजिक न्याय, राष्ट्रिय हित र जनताको अधिकारका पक्षमा दृढतापूर्वक उभिने प्रतिबद्धता व्यक्त गर्नुभएको छ।

सपना बोकेर सुरु भएको यात्रा
सहिदको सम्मान, देशका लागि समर्पण
काठमाडौं–९ मा नयाँ राजनीतिक बहसको सुरुवात