सवारी दुर्घटनामा तीन जनाको मृत्यु

काठमाडौं, ८ असार

सप्तरी, हनुमाननगर कंकालिनी नगरपालिका-१ भलुवास्थित सडकमा को.१० प ५६२ नम्बरको मोटरसाइकल र बा.५५ प६६३९ नम्बरको मोटरसाइकल एकआपसमा ठक्कर खाईआइतबार बिहान दुर्घटना हुँदा दुबै मोटरसाइकलका चालकहरूको मृत्यु भएको छ । मृत्यु हुनेहरूमा को.१० प ५६२ नम्बरको मोटरसाइकल चालक कञ्चनरूप नगरपालिका-१ बैरवा बस्ने३४ वर्षीय ओम प्रकाश पंजियार र बा.५५ प ६६३९ नम्बरको मोटरसाइकल चालक शम्भुनाथ नगरपालिका-११ राजपुर बस्ने १९वर्षीय अबिनाश मण्डल रहेका छन् । दुर्घटनामा गम्भीर घाइते भएका ओम प्रकाशको न्यूरो अस्पताल विराटनगर मोरङ र अबिनाशको गजेन्द्र नारायण सिंह अस्पताल राजबिराजमा उपचारको क्रममा मृत्यु भएको हो ।

सर्लाही, चन्द्रनगर गाउँपालिका-४ कपल चोकस्थित सडकमा प्र.२-०३-००१ त २९५७ नम्बरको ट्याक्टरको ठक्करबाट साइकलयात्री सोही गाउँपालिका-६ बसवरीया बस्ने ६५ वर्षीय लक्ष्मी राउतको आइतबार दिउँसो मृत्यु भएको छ । दुर्घटनामा गम्भीर घाइते भएका उनको प्रादेशिक अस्पताल मलंगवामा उपचारको क्रममा मृत्यु भएको हो । प्रहरीले हाल फरार ट्याक्टर चालकको खोजी गरिरहेको छ ।

दुर्घटनाका सम्बन्धमा प्रहरीले आवश्यक अनुसन्धान गरिरहेको जानाकारी नेपाल प्रहरी प्रधान कार्यालय – प्रहरी महानिरीक्षकको सचिवालय (केन्द्रीय प्रहरी समाचार कक्ष) ले दिएको छ ।