आगलागीबाट विभिन्न धनमाल जलेर नष्ट

काठमाडौं, १६ फागुन

काठमाडौं महानगरपालिका-७ चावहिल चोक नजिकै रामेछाप मन्थली नगरपालिका घर भई काठमाडौं पेप्सिकोला बस्ने ३२ वर्षीय राजिब गिरीको थकाली भान्सा घरमा विद्युत सर्ट भई शुक्रबार बिहान आगलागी हुँदा करिब २२ लाख रूपैयाँ बराबरको धनमाल जलेर नष्ट भएको छ ।

​मोरङ, कटहरी गाउँपालिका-२ आदर्शटोलस्थित बिरेन्द्र कुमार गुप्ता रौनियारको रूवा फ्याक्ट्रिमा बिहीबार दिउँसो आगलागी हुँदा फ्याक्ट्रिमा रहेको मेसिन, ईलेक्ट्रिक सामान, टिना र कच्चा पदार्थ लगायतका सामानहरू पूर्णरूपमा जलेर करिब ७ लाख रूपैयाँ बराबरको धनमाल नष्ट भएको छ ।

​धनुषा, क्षिरेश्वरनाथ नगरपालिका-५ बस्ने दिनेश ठाकुरको घरमा सोही नगरपालिका-७ दुर्गा टोल बस्ने कृष्णा गुप्ताले संचालन गरेको सरिता जेनरल स्टोरमा विद्युत सर्ट भई बिहीबारबेलुकी आगलागी हुँदा स्टोर भित्र रहेको रेडिमेट कपडाहरूजलेर करिब ७ लाख रूपैयाँ बराबरको धनमाल नष्ट भएकोछ ।

​ओखलढुंगा, सुनकोशी गाउँपालिका-१० गैरिटोल बस्ने बिरबल गिरीको बाख्राको खोरमा बिहीबार राति आगलागीहुँदा करिब ३ लाख ५० हजार रूपैयाँ बराबरको धनमाल जलेर नष्ट भएको छ ।

​ प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।

✍🏻✍🏻