चितुवाको छाला सहित दुई महिला ललितपुरको रेस्टुरेन्टमै पक्राउ

ललितपुर, १४ कात्तिक — राजधानीमा वन्यजन्तु तस्करीको चकित पार्ने घटना! चितुवाको छाला जस्तो देखिने आखेटोपहारसहित दुई महिलालाई प्रहरीले ललितपुरबाट पक्राउ गरेको छ।

प्रहरीका अनुसार, ललितपुर महानगरपालिका–१७ ग्वार्कोस्थित “आगमन थकाली चुलो एण्ड क्याफे” बाट बिहीबार दिउँसो उनीहरूलाई नियन्त्रणमा लिइएको हो।

पक्राउ पर्नेमा —
👩 ४६ वर्षीया मथुरा विक (भक्तपुर चाँगुनारायण–५) र
👩 ४० वर्षीया रामदेवी श्रेष्ठ (काठमाडौं शंखरापुर–६) रहेका छन्।

प्रहरी वृत्त सातदोबाटोबाट खटिएको टोलीले दुवैजनालाई चितुवाको छाला जस्तो देखिने आखेटोपहार १ थानसहित पक्राउ गरेको जनाएको छ।

प्रहरीले प्रारम्भिक अनुसन्धान सुरु गरिसकेको छ र छालाको वास्तविकता र यसको स्रोतबारे थप अनुसन्धान जारी छ।