बाँकेमा दाइको हत्या आरोपमा भाइ पक्राउ, घटनापछि फरार भएका युवक प्रहरी नियन्त्रणमा

बाँके, बाँकेको कोहलपुरमा आफ्नै दाइको हत्या गरेको आरोपमा एक युवकलाई प्रहरीले पक्राउ गरेको छ।

प्रहरीका अनुसार कोहलपुर नगरपालिका–४ गोहवाका २० वर्षीय बिनोद चौधरीलाई आफ्नै २५ वर्षीय दाइ मनोज चौधरीको हत्या गरेको अभियोगमा सोमबार बिहान पक्राउ गरिएको हो।

प्रारम्भिक अनुसन्धानअनुसार आइतबार राति दाजुभाइबीच भएको कुटपिटका क्रममा मनोज चौधरीको मृत्यु भएको र त्यसपछि बिनोद फरार भएका थिए। घटनाबारे सूचना प्राप्त हुनासाथ इलाका प्रहरी कार्यालय कोहलपुर र प्रहरी बिट मदनचोकबाट खटिएको टोलीले उनलाई कोहलपुर नगरपालिका–१५ गोहवाबाट नियन्त्रणमा लिएको प्रहरीले जनाएको छ।

घटनाको कारण र अन्य विवरण खुलाउने गरी प्रहरीले थप अनुसन्धान अघि बढाइरहेको छ।