एमालेमा मतदान ४ बजेपछि मात्रै सुरु हुने, एक मत हाल्नै ४० मिनेट ! २२६२ प्रतिनिधि, विद्युतीय भोटिङले कति समय लिन्छ ?

नेकपा एमालेको नयाँ नेतृत्व चयनका लागि आज अपराह्न चार बजेपछि मतदान प्रक्रिया सुरु हुने भएको छ। विद्युतीय उपकरणमार्फत मतदान गरिने भएकाले उम्मेदवारको फोटो कोडिङ र उपकरणमा सूचीकृत गर्ने काम अपराह्न चार बजेसम्म चल्ने प्राविधिक लक्ष्मण रिमालले जानकारी दिए। उनका अनुसार एक जना मतदाताले मतदान गर्न कम्तीमा ३५ देखि ४० मिनेट समय लाग्नेछ। यस महाधिवेशनमा भूगोल, गैरभूगोल, आयोजक, विभाग, निकाय तथा मनोनीत गरी कूल २२६२ प्रतिनिधि सहभागी छन्। नयाँ नेतृत्व चयनका लागि निवर्तमान अध्यक्ष केपी शर्मा ओली र वरिष्ठ उपाध्यक्ष ईश्वर पोखरेल आ–आफ्नो समूहसहित चुनावी मैदानमा छन्।