करेन्ट लागेर मृत्यु

काठमाडौं, ४ असोज

रौतहट, राजपुर नगरपालिका-२ भुत्तही टोल बस्ने ५४वर्षीय शेख अमिरूलको करेन्ट लागेर शनिबार बिहान मृत्यु भएको छ । आफ्नै घरको छतमा सेटरिंगको काम गर्ने क्रममा करेन्ट लागेर गम्भीर घाइते भएका उनको प्रादेशिक अस्पताल गौरमा उपचारको क्रममा मृत्यु भएको हो ।

सिराहा, लहान नगरपालिका-२३ गढिया बस्ने ३८ वर्षीयबिजेन्दर सहनीको करेन्ट लागेर शनिबार दिउँसो मृत्यु भएको छ । आफ्नै खेतमा विद्युतीय मोटरबाट पानी लगाउने क्रममाविद्युत सर्ट भई करेन्ट लागेर गम्भीर घाइते भएका उनको प्रादेशिक अस्पताल लहानमा उपचारको क्रममा मृत्यु भएको हो ।

यस सम्बन्धमा प्रहरीले आवश्यक अनुसन्धान गरिरहेको जानाकारी नेपाल प्रहरी प्रधान कार्यालय – प्रहरी महानिरीक्षकको सचिवालयले दिएको छ ।