चन्द्रागिरीमा ठूलो जुवाको खाल — २२ जना पक्राउ, १६ लाखभन्दा बढी नगद बरामद

काठमाडौं, २५ कात्तिक ।
राजधानी नजिकैको चन्द्रागिरी नगरपालिका–८, मातातिर्थ लंकोटमा चलिरहेको जुवा (कौडा) खेलमा प्रहरीले छापा मार्दा २२ जना पक्राउ परेका छन् ।

प्रहरीका अनुसार, जुवा खेल्ने घर ४० वर्षीय दिवाकर महर्जनको हो, जो स्वयं पनि पक्राउ परेका छन्।
प्रहरी वृत्त थानकोटबाट खटिएको टोलीले उनीहरूको साथबाट नगद रु. १६ लाख ५३ हजार र १६ थान कौडा समेत बरामद गरेको छ ।

हाल प्रहरीले घटनासम्बन्धी थप अनुसन्धान अगाडि बढाइरहेको जनाएको छ।