वासिङ मेसिन जडान गर्ने क्रममा करेन्ट लाग्दा एक जनाको मृत्यु

काठमाडौं, काठमाडौं महानगरपालिका–६ महाकालस्थित सेचेन गुम्बा नजिक डेरा गरी बस्दै आएका सिन्धुपाल्चोक मेलम्ची नगरपालिका–६ का ३९ वर्षीय रत्नबहादुर चालिसेको करेन्ट लागेर मृत्यु भएको छ।

प्रहरीका अनुसार मंगलबार दिउँसो वासिङ मेसिन जडान गर्ने क्रममा उनलाई करेन्ट लागेको थियो। गम्भीर घाइते भएका चालिसेलाई तत्काल मेडिकेयर अस्पताल, चाबहिल लगिएको भए पनि उपचारकै क्रममा चिकित्सकले मृत घोषणा गरेका हुन्।

घटनाबारे प्रहरीले आवश्यक अनुसन्धान अघि बढाएको जनाएको छ।