गगन थापा — रोल्पाबाट प्रतिनिधिसभा उम्मेदवारको रूपमा सिफारिस

काठमाडौं। नेपाली राजनीति आज फेरि तात्यो! आगामी फागुन २१ गते हुने प्रतिनिधिसभा निर्वाचनका लागि नेपाली कांग्रेसका महामन्त्री गगन थापालाई रोल्पाबाट प्रत्यक्षतर्फ सिफारिस गरिएको खबरले सामाजिक सञ्जालदेखि राजनीतिक वृत्तसम्म ठूलो हलचल ल्याइरहेको छ।

मंगलबार बसेको कांग्रेस जिल्ला कार्यसमितिको बैठकले गगन थापाको नाम औपचारिक रूपमा प्रस्ताव गर्दै रोल्पामा नयाँ राजनीतिक समीकरण जन्मिन सक्ने संकेत गरेको छ।

लुम्बिनी प्रदेश कांग्रेसका सभापति अमरसिंह पुनका स्वकीय सचिव अनुपम जीसीका अनुसार, थापासँगै चार जना शक्तिशाली नामहरू पनि प्रत्यक्षतर्फको उम्मेदवारीका लागि सिफारिस भएका छन्।
सिफारिस सूची यसप्रकारः

• गगन थापा – महामन्त्री, नेपाली कांग्रेस

• अमरसिंह पुन – सभापति, लुम्बिनी प्रदेश कांग्रेस

• मनोजमणी आचार्य – महासमिति सदस्य

• डा. मन्दिप सुवेदी

• ज्ञानबहादुर ओली

रोल्पाजस्तो चुनौतीपूर्ण तर निर्णायक मानिने क्षेत्रबाट गगन थापाको सिफारिसले नेपाली राजनीतिक चर्चा झनै रोचक बनेको छ। अब सबैको नजर—के थापा रोल्पाबाटै चुनावी होडमा उत्रिनेछन्?