खेतमा पानी तान्ने मोटरको तार जोड्ने क्रममा करेन्ट लागेर ६२ वर्षीयको मृत्यु

सप्तरी, सप्तरीको बोदेबरसाइन नगरपालिका–८ काचनमा करेन्ट लागेर ६२ वर्षीय अनिरुद्ध साहको मृत्यु भएको छ।

शनिबार राति आफ्नै खेतमा खोलाबाट पानी पठाउन प्रयोग हुने विद्युतीय मोटरको तार जोड्ने क्रममा साहलाई करेन्ट लागेको थियो। करेन्ट लागेपछि उनको घटनास्थलमै मृत्यु भएको प्रहरीले जनाएको छ।

घटनाबारे प्रहरीले आवश्यक अनुसन्धान गरिरहेको छ।