साङ्ग्रिला डेभलपमेन्ट बैंक २२औँ वर्षमा प्रवेश: दुई दशकभन्दा लामो यात्रा पार गर्दै प्रकट गर्‍यो हार्दिक कृतज्ञता

काठमाडौँ। वित्तीय क्षेत्रमा आफ्ना उत्कृष्ट सेवा र सबल उपस्थितिका साथ निरन्तर अग्रस्थानमा रहँदै आएको साङ्ग्रिला डेभलपमेन्ट बैंक लिमिटेड आफ्नो स्थापनाको २२ वर्ष पूरा गरी गर्वका साथ २३औँ वर्षमा प्रवेश गरेको छ। स्थापना कालदेखि नै ग्राहकहरूको पहिलो रोजाइ बन्न सफल यस विकास बैंकले दुई दशकभन्दा लामो व्यावसायिक यात्रा पार गर्दै आधुनिक, विश्वसनीय र प्रभावकारी बैंकिङ सेवा प्रदान गरेर नेपाली वित्तीय बजारमा छुट्टै बेन्चमार्क स्थापित गर्न सफल भएको छ।

यस विशेष र ऐतिहासिक अवसरमा बैंकले आफ्ना सम्पूर्ण आदरणीय ग्राहकवर्ग, शेयरधनी महानुभावहरू, नियमनकारी निकायहरू, देश तथा विदेशमा रहनुहुने समस्त शुभचिन्तकहरू, मिडिया जगत् तथा अहोरात्र खटिने कर्मचारीहरूप्रति हार्दिक आभार तथा उच्च कृतज्ञता व्यक्त गरेको छ।