न्यूजिल्याण्ड पठाइदिने भन्दै ९ लाख ८० हजार ठगी! आरोपी काठमाडौंबाट पक्राउ

काठमाडौं, वैदेशिक रोजगारीका नाममा न्यूजिल्याण्ड पठाइदिने प्रलोभन देखाएर ९ लाख ८० हजार रुपैयाँ ठगी गरेको आरोपमा एक व्यक्ति पक्राउ परेका छन्।

पक्राउ पर्नेमा काठमाडौं महानगरपालिका–१८ बस्दै आएका भारतको बिहार राज्य, गोपालगञ्ज घर भएका ४२ वर्षीय संजय कुमार रहेका छन्।

प्रहरीका अनुसार संजयले एक पीडितलाई आकर्षक तलबसहित न्यूजिल्याण्ड पठाइदिने आश्वासन दिई ९ लाख ८० हजार रुपैयाँ लिएका थिए। रकम लिएपछि उनी सम्पर्कविहीन बनेको भन्दै पीडितले उजुरी दिएका थिए।

उजुरीका आधारमा काठमाडौं उपत्यका अपराध अनुसन्धान कार्यालय, टेकुबाट खटिएको प्रहरी टोलीले उनलाई काठमाडौं महानगरपालिका–१६ बाट पक्राउ गरेको हो।

प्रहरीले पक्राउ परेका संजयलाई थप अनुसन्धान तथा कानुनी कारबाहीका लागि वैदेशिक रोजगार विभाग, ताहाचल पठाएको जनाएको छ।

विदेश जाने सपना देख्दा सावधान! आकर्षक रोजगारीको प्रलोभनमा रकम बुझाउनुअघि सम्बन्धित निकायबाट कम्पनी र प्रक्रिया राम्रोसँग पुष्टि गर्नुहोस्।