करेन्ट लागेर मृत्यु

मोरङ, ४ पुस

बुढीगंगा गाउँपालिका-१ बस्ने २२ वर्षीय श्याम ऋषिदेवको करेन्ट लागेर शुक्रबार दिउँसो मृत्यु भएको छ । ग्रामथान गाउँपालिका-१ सरस्वती स्कुल पछाडि नहरको छेउमा को.१ ख ५०४९ नम्बरको टिपरको हाईड्रोलिक उठाई माटो झार्ने क्रममा विद्युतको तारमा छुन गई करेन्ट लागेर गम्भीर घाइते भएका टिपरका सहचालक श्यामको विराट टिचिङ अस्पताल गंगाचोकमा उपचारको क्रममा मृत्यु भएको हो ।

प्रहरीले टिपर चालकलाई नियन्त्रणमा लिई यस सम्बन्धमा आवश्यक अनुसन्धान गरिरहेको छ ।

📸📸✍🏻✍🏻 नेपाल प्रहरी प्रधान कार्यालय, प्रहरी महानिरीक्षकको सचिवालय (केन्द्रीय प्रहरी समाचार कक्ष)