आगलागीबाट विभिन्न धनमाल जलेर नष्ट

काठमाडौं, ३ असार

​रूपन्देही, लुम्बिनी साँस्कृतिक नगरपालिका-९ चैनपुरवास्थित सोही नगरपालिका-१० महिलावार बस्ने ३२ वर्षीयदिनेश गुप्ताको किराना पसलमा मंगलबार बिहान आगलागी हुँदा करिब २ लाख रूपैयाँ बराबरको धनमाल जलेर नष्ट भएको छ ।

​रौतहट, गरूडा नगरपालिका-७ भिमडावर बस्ने रामदिनेश यादवको गोठमा सोमबार राति आगलागी हुँदा करिब २ लाख रूपैयाँ बराबरको धनमाल जलेर नष्ट भएको छ ।

​सप्तरी, कञ्चनरूप नगरपालिका-८ कञ्चनपुर बजार डेरा गरी बस्ने अग्नीसाइर कृष्णासवरन गाउँपालिका-१ बस्ने २५ वर्षीया कञ्चन चौधरीको कोठा, लक्षण खत्वेको कोठा र मदनी देवी खत्वेको कोठामा मंगलबार बिहान आगलागी हुँदा करिब १ लाख १० हजार रूपैयाँ बराबरको धनमाल जलेर नष्ट भएको छ ।

​पर्सा, छिपहरमाई गाउँपालिका-४ तुलसी बर्वा बस्ने मनोज साह तेलीको घरमा विद्युत सर्ट भई मंगलबार बिहान आगलागी हुँदा घर पूर्णरूपमा जलेर करिब १ लाख ५० हजार रूपैयाँ बराबरको धनमाल नष्ट भएको छ ।

प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको जानाकारी नेपाल प्रहरी प्रधान कार्यालय – प्रहरी महानिरीक्षकको सचिवालय (केन्द्रीय प्रहरी समाचार कक्ष) ले दिएको छ ।