आगलागीबाट विभिन्न धनमाल जलेर नष्ट

काठमाडौं, ५ चैत

​रौतहट, बृन्दावन नगरपालिका-७ नहर टोल बस्ने रामबाबु गुप्ताको घरको भान्सा कोठामा सोमबार साँझ आगलागी हुँदाकरिब १ लाख रूपैयाँ बराबरको धनमाल जलेर नष्ट भएको छ ।

यसैगरी रौतहट, चन्द्रपुर नगरपालिका-३ चिसापानी बस्ने आइते सिंह जिम्बाको घरमा सोमबार दिउँसो आगलागी हुँदा करिब ४ लाख रूपैयाँ बराबरको धनमाल जलेर नष्ट भएको छ ।

​महोत्तरी, रामगोपालपुर नगरपालिका-८ टिकुलिया चोक बस्ने कमलेश प्रसाद साहको घरमा सोमबार राति आगलागीहुँदा करिब १ लाख ५२ हजार रूपैयाँ बराबरको धनमाल जलेर नष्ट भएको छ ।

​भोजपुर, अरूण गाउँपालिका-४ सुन्तलाबरीस्थित वनमा सोमबार दिउँसो लागेको आगो फैलिएर सोही ठाउँ बस्ने सिता देबी भुजेलको घर र गोठ, कमला देवी भुजेलको गोठ र दान बहादुर भुजेलको घर पूर्णरूपमा जलेर नष्ट भएको छ । आगलागीबाट भएको क्षतिको विवरण हाल खुलेको छैन ।

यसैगरी भोजपुर, हतुवागढी गाउँपालिका-६ स्थित सामुदायिक वनमा सोमबार दिउँसो लागेको आगो फैलिएर सोही गाउँपालिका-६ माटोखानी बस्ने ७९ वर्षीय जय नारायण राईको घर र गोठ जलेर करिब १ लाख ८८ हजार रूपैयाँ बराबरको धनमाल जलेर नष्ट भएको छ ।  

यसैगरी भोजपुर, अरूण गाउँपालिका-७ सिक्रेटारस्थित सामुदायिक वनमा सोमबार दिउँसो लागेको आगो फैलिएर सोही ठाउँ बस्ने भेषराज कोइरालाको २ वटा गोठ, दत्त नारायण श्रेष्ठको घर र गोठ, मित्र बहादुर राईको गोठ, राज कुमार तामाङको घर र गोठ, विक्रम राइको गोठ पूर्णरूपमा जलेर नष्ट भएको छ । आगलागीबाट भएको क्षतिको विवरण हाल खुलेको छैन ।  

​यसैगरी भोजपुर, अरूण गाउँपालिका-६ मालबासे खिसुगौरास्थित सामुदायिक वनमा सोमबार दिउँसो लागेको आगो फैलिएर सोही ठाउँ बस्ने इन्द्र प्रसाद बरालको घर र गोठ, नबिन राईको घर, मदन तामाङको गोठ, छत्र बाहदुर राईको गोठ, नगेन्द्र राईको गोठ समेत जलेर करिब ६ लाख ५० हजार रूपैयाँ बराबरको धनमाल नष्ट भएको छ ।

​तेह्रथुम, छथर गाउँपालिका–३ अधेरी सामुदायिक वनमा सोमबार दिउँसो लागेको आगो फैलिएर सोही ठाउँ बस्नेचन्द्र बहादुर लिम्बुको घर, राम बहादुर लिम्बुको गोठ र दुर्गा बहादुर लिम्बुको गोठमा समेत आगलागी हुँदा तीनै जनाको गरी करिब १ लाख ६० हजार रूपैयाँ बराबरको धनमाल जलेर नष्ट भएको छ ।

​यसैगरी तेह्रथुम, छथर गाउँपालिका–२ फेजुङस्थित सामुदायिक वनमा मंगलबार बिहान लागेको आगो फैलिएर सोही ठाउँ बस्ने रन बहादुर लिम्बुको घर र उनकै भाइ टंक बहादुर लिम्बुको घरमा समेत आगलागी हुँदा अन्दाजी ६ लाख ६२ हजार ४ सय ७० रूपैयाँ बराबरको धनमाल जलेर नष्ट भएको छ ।  

​पर्सा, वीरगंज महानगरपालिका-१७ अलौ बस्ने बेलि महत्तोको घरमा मंगलबार बिहान लागेको आगो फैलिएर सोही ठाउँ बस्ने भुषण महतोको घरमा समेत आगलागी हुँदा करिब १ लाख २५ हजार बराबरको धनमाल जलेर नष्ट भएको छ । ​

​यसैगरी पर्सा, पकाहामैनपुर गाउँपालिका-२ बस्ने हनुमान महतो कोईरीको गोठमा लामखुट्टे धपाउन बालेको घुरबाट आगो सल्किएर सोही ठाउँ बस्ने नरेश महतो कोईरीको घरसमेत पूर्णरूपमा जलेर करिब ४ लाख ४० हजार बराबरको धनमाल नष्ट भएको छ ।

​मकवानपुर, बागमती गाउँपालिका-१ चिसापानीस्थित बारीमा सोमबार दिउँसो लागेको आगो फैलिएर सोही ठाउँ बस्ने ५० वर्षीय आईते सिं जिम्बाको घरमा समेत आगलागी हुँदा करिब ४ लाख रूपैयाँ बराबरको धनमाल जलेर नष्ट भएको छ ।

​खोटाङ, हलेसी तुवाचुङ नगरपालिका-२ डिकुवास्थित सामुदायिक वनमा सोमबार दिउँसो लागेको आगो फैलिएर सोही ठाउँ बस्ने अदम राईको घर र गोठ, शम्मर बहादुर राईको घर, नगेन्द्र कुमार राईको घर, रन बहादुर राईको मतान, पबिन्द्र कुमार राईको घर र मतान, कृष्ण बहादुर राईको घर र मतान,चयन कुमार राईको घर र मतान, टंक बहादुर राईको घर,हिराधन राईको घर र गोठ समेत पुर्णरूपमा जलेर नष्ट भएको छ । आगलागीबाट भएको क्षतिको विवरण हाल खुलेको छैन ।

​तनहुँ, भिमाद नगरपालिका-१ गोरू भञ्ज्याङस्थित सामुदायिक वनमा सोमबार दिउँसो लागेको आगो फैलिएर सोही ठाउँ बस्ने पहल सिंह थापाको गोठ पुर्णरूपमा जलेर नष्ट भएको छ । आगलागीबाट भएको क्षतिको विवरण हाल खुलेको छैन ।

​सप्तरी, राजबिराज नगरपालिका-६ बस्ने शुरेश शर्मा र दुबिलाला यादवको घरमा विद्युत सर्ट भई सोमबार दिउँसो आगलागी हुँदा घर पूर्णरूपमा जलेर दुबै जनाको गरी करिब १२ लाख ३६ हजार रूपैयाँ बराबरको धनमाल नष्ट भएको छ ।

​मोरङ, विराटनगर महानगरपालिका-१ परोपकार घाट बस्नेअनवर अन्सारीको घर, असरफ अन्सारीको घर, अफसर अन्सारीको घर र सन्तोष कामतको घरमा सोमबार दिउँसो आगलागी हुँदा चारै जनाको गरी करिब १६ लाख रूपैयाँ बराबरको धनमाल जलेर नष्ट भएको छ ।

​यसैगरी मोरङ, विराटनगर महानगरपालिका-१० सोमबारे बस्ने अशोक लाल दासको घरमा गए राति विद्युत सर्ट भई आगलागी हुँदा अन्दाजी २ लाख ३ हजार रूपैयाँ बराबरको धनमाल जलेर नष्ट भएको छ ।

​कपिलवस्तु, बुद्धभुमि नगरपालिका-७ नैहडिहवा बस्नेउर्मीला देवी यादवको घरमा सोमबार दिउँसो लागेको आगो फैलिएर सोही ठाउँ बस्ने राजाराम यादवको घर, रामबेलास कुर्मीको घर, पशुपती कुर्मीको घर, सुर्यनाथ कुर्मीको घर, भदै अहिरको घर र बिमलेश कुर्मीको घरमा समेत आगलागी हुँदा करिब १४ लाख ३१ हजार बराबरको धनमाल जलेर नष्ट भएको छ ।

​बागलुङ, बागलुङ नगरपालिका-१२ पात्लेखेत स्थित सामुदायिक वनमा सोमबार दिउँसो लागेको आगो सल्किएर  सोही ठाउँ बस्ने ७२ वर्षीय तिल प्रसाद रेग्मीको घरमाआगलागी हुँदा घर पूर्णरूपमा जलेर नष्ट भएको छ । ​

​भक्तपुर, सुर्यबिनायक नगरपालिका-२ बालकोटस्थित सोही ठाउँ बस्ने सप्तरी सम्भुनाथ नगरपालिका-८ घर भएका ३५वर्षीय मोहमह आसिमको मोटरसाइकल वर्कशपमा विद्युत सर्ट भई मंगलबार बिहान आगलागी भएको छ । आगलागीबाट भएको क्षतिको विवरण हाल खुलेको छैन ।  ​

​सप्तरी, छिन्नमस्ता गाउँपालिका-४ लालापट्टी बस्ने ३०वर्षीय देव नारायण पण्डितको घरमा विद्युत सर्ट भई मंगलबार बिहान आगलागी भई सोही ठाउँ बस्ने ३५ वर्षीयह रामेश्वर पण्डितको घर, ३६ वर्षीय धनराज पण्डितको घर र ५५ वर्षीय जुगेश्वर पण्डितको घर समेत पूर्णरूपमा जलेर अन्दाजी १८ लाख ५० हजार रूपैयाँ बराबरको धनमाल नष्ट भएको छ ।

​यसैगरी सप्तरी, छिन्नमस्ता गाउँपालिका-१ बस्ने बैजनाथ खंगको घरमा विद्युत सर्ट भई मंगलबार बिहान आगलागी हुँदा घर पूर्णरूपमा जलेर करिब ८ लाख ६८ हजार रूपैयाँ बराबरको धनमाल नष्ट भएको छ ।

​यसैगरी सप्तरी, डाक्नेश्वरी नगरपालिका-५ गोविन्दपुर बस्ने राजिब यादबको गोठमा सोमबार राति आगलागी हुँदागोठ पूर्णरूपमा जलेर करिब १ लाख १० हजार बराबरको धनमाल नष्ट भएको छ ।  

​प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको छ ।

✍🏻✍🏻

नेपाल प्रहरी प्रधान कार्यालय
प्रहरी महानिरीक्षकको सचिवालय
(केन्द्रीय प्रहरी समाचार कक्ष)