बौद्धिक परिषद्को सम्मानप्रति मन्त्री देवकोटाको उच्च मूल्यांकन साथै पार्टी नेतृत्वप्रति आभार प्रकट

काठमाडौं साउन २३— बागमती प्रदेशका भौतिक पूर्वाधार विकास मन्त्री दिनेशचन्द्र देवकोटाले बौद्धिक परिषद्ले गरेको सम्मानप्रति उच्च मूल्यांकन गर्दै पार्टी र जनताको हितमा आफू समर्पित रहने प्रतिबद्धता व्यक्त गर्नु भएको छ ।

बौद्धिक परिषद्ले आयोजना गरेको बधाई तथा शुभकामना कार्यक्रममा बोल्दै उहाँले एमालेको बागमती प्रदेश संसदीय दलबाट २७ जना सांसदमध्ये सरकारमा पहिलो नम्बरमा सिफारिस भएकोमा पार्टी नेतृत्वप्रति आभार प्रकट गर्नु भयो ।

उहाँले आफ्नो क्षमता र निष्ठाका आधारमा पार्टीले गरेको मूल्यांकनलाई सम्मान गर्दै आगामी दिनमा पनि जनहितका काममा निरन्तर लाग्ने बताउनु भयो ।

उहाँले पार्टी संगठनमा रहेर अनुशासित ढंगले काम गर्नुपर्ने आवश्यकता औंल्याउँदै स्थानीय चुनावमा बागमती प्रदेशमा पार्टीलाई जनताको प्यारो बनाउन सबै एकजुट भएर लाग्न आह्वान समेत गर्नु भयो ।

कार्यक्रममा वर्तमान परिषद् अध्यक्ष गजेन्द्र थपलिया बधाई ज्ञापन गर्नु भयो ।परिषद्को प्रचार सचिव डा. टिका ढकालले देवकोटा राष्ट्रिय योजना आयोगको उपाध्यक्ष भएर समेत काम गरिसकेको स्मरण गर्दै उहाँको अनुभवले बागमतीको विकासमा महत्त्वपूर्ण योगदान पुर्‍याउने विश्वास व्यक्त गर्नु भयो।

उक्त कार्यक्रममा परिषद्का अन्य पदाधिकारी, पार्टीका विभिन्न संगठनका प्रतिनिधि लगायतले पनि शुभकामना मन्तव्य दिनुभएको थियो ।

४० वर्ष भन्दा भढी इन्जिनियरिङ पेशामा सक्रिय रहनुभएको देवकोटाले बागमती प्रदेशको समग्र विकासका लागि गृहकार्य भइरहेको र परिषद्को आशाअनुसार उपलब्धिमूलक काम गर्ने विश्वास ब्यक्त गर्नुभयो, उक्त कार्यक्रम परिषद्का महासचिव दिपेन्द्र श्रेष्ठले संचालन गर्नुभएको थियो ।