स्रोत नखुलेको ५२ लाख ५० हजार नगदसहित चार जना पक्राउ

पर्सा, २६ साउन । वीरगञ्जबाट प्रहरीले स्रोत नखुलेको ५२ लाख ५० हजार रुपैयाँ नगदसहित चार जनालाई पक्राउ गरेको छ।

वीरगञ्ज महानगरपालिका–१० आदर्शनगरबाट सोमबार साँझ प्रदेश २–०३–००३ प ७२१५ र ना.५७ प ५१८२ नम्बरका मोटरसाइकलमा सवार उनीहरूलाई प्रहरीले पक्राउ गरेको हो।

पक्राउ पर्नेमा भारत बिहार सितामढी थाना डुमरा–६ का २६ वर्षीय सुरज कर्ण, बारा प्रसौनी गाउँपालिका–१ का ३२ वर्षीय उपेन्द्र साह, २६ वर्षीय सागर कुमार सर्राफ र पर्सा विन्दवासिनी गाउँपालिका–१ झौवागुठीका २५ वर्षीय राहुल कुमार गुप्ता रहेका छन्।

जिल्ला प्रहरी कार्यालय पर्साबाट खटिएको टोलीले उनीहरूलाई उक्त नगदसहित फेला पारी पक्राउ गरेको जनाएको छ।

घटनाबारे प्रहरीले आवश्यक अनुसन्धान अघि बढाएको जनाएको छ।