लागूऔषधसहित सात जना पक्राउ

काठमाडौं, २६ साउन । प्रहरीले देशका विभिन्न स्थानबाट अवैध तथा नियन्त्रित लागूऔषधसहित सात जनालाई पक्राउ गरेको छ। सर्लाहीको लालबन्दी नगरपालिका–१२ बाट करिब १२ किलो ७ सय ग्राम गाँजासहित सानु परियार, सबिना परियार र ज्ञानुमाया योञ्जन पक्राउ परेका छन्। त्यस्तै, कास्कीको पोखरा–१७ छोरेपाटनबाट फेनारगन, नोर्फिन र डाइजेपाम ३३/३३ एम्पुलसहित नरेन्द्र भुजेल पक्राउ परेका छन्। कैलालीको गोदावरी नगरपालिका–५ भैरव टोलबाट ३ ग्राम ५८० मिलिग्राम खैरो हेरोइनजस्तो देखिने पदार्थसहित शंकर विक, गोपाल चौधरी र विजय चौधरी पक्राउ परेका छन्। तीनवटै घटनामा प्रहरीले आवश्यक अनुसन्धान गरिरहेको जनाएको छ।