खुकुरी प्रहार गरी महिलाको हत्या, आरोपित केही घण्टामै पक्राउ

तेह्रथुम, श्रावण  — तेह्रथुमको आठराई गाउँपालिकामा एक महिलाको हत्या गरेको आरोपमा प्रहरीले एक जनालाई पक्राउ गरेको छ।

प्रहरीका अनुसार, आठराई गाउँपालिका–६ सिमखर्क निवासी ५१ वर्षीया रूपा लिम्बुको खुकुरी प्रहार गरी हत्या गरेको अभियोगमा सोही ठाउँका ३८ वर्षीय कृष्ण बहादुर लिम्बु पक्राउ परेका छन्।

हत्या गरी फरार भएको सूचना प्राप्त हुनासाथ इलाका प्रहरी कार्यालय आठराईबाट खटिएको प्रहरी टोलीले उनलाई आठराई गाउँपालिका–५ सुम्लिबुङबाट बुधबार राति पक्राउ गरेको हो।

घटनाबारे प्रहरीले थप अनुसन्धान गरिरहेको जनाएको छ।