वरखोल्सा खोलानजिकै महिलाको शव फेला, प्रहरीले थालेको अनुसन्धान

नुवाकोट । नुवाकोटको ककनी गाउँपालिकामा एक महिलाको शव फेला परेको छ।

प्रहरीका अनुसार ककनी गाउँपालिका–६ पैतिसकिलोस्थित वरखोल्सा खोला नजिक सोही स्थानको गाई फार्ममा काम गर्ने लिखु गाउँपालिका–३ ढाडेफेदी घर भएकी ४५ वर्षीया दुर्गा राई सोमबार मृत अवस्थामा फेला परेकी हुन्।

घटनाको जानकारी प्राप्त भएपछि प्रहरी टोली घटनास्थल पुगेको थियो। शवलाई पोस्टमार्टमका लागि पठाउने तयारी गरिएको छ भने मृत्युको कारण खुल्न बाँकी रहेको प्रहरीले जनाएको छ।

यस सम्बन्धमा प्रहरीले आवश्यक अनुसन्धान अघि बढाएको छ।