दुःखद घटना : स्याङ्जामा पहिरोले पुरिँदा ६५ वर्षीय वृद्धको ज्यान गयो

स्याङ्जा, स्याङ्जाको गल्याङ नगरपालिका–६ वनपालेमा पहिरोले पुरिँदा ६५ वर्षीय धनबहादुर थापाको मृत्यु भएको छ।

प्रहरीका अनुसार बिहीबार बिहान आफ्नै गोठमा काम गरिरहेका बेला गोठमाथिबाट आएको पहिरोले उनलाई पुरेको थियो। घटनास्थलमै उनको मृत्यु भएको जनाइएको छ।

घटनाबारे प्रहरीले आवश्यक अनुसन्धान गरिरहेको छ।

वर्षायाममा पहिरोको जोखिम उच्च रहने भएकाले भिरालो तथा पहिरो सम्भावित क्षेत्रमा विशेष सतर्कता अपनाउन सम्बन्धित निकायले आग्रह गरेका छन्।