तनहुँ, म्याग्दी र नवलपरासी पूर्वमा जुवातास खेलिरहेको अवस्थामा २५ जना पक्राउ

काठमाडौं, तनहुँ, म्याग्दी र नवलपरासी (पूर्व) का विभिन्न स्थानमा जुवातास खेलिरहेको अवस्थामा प्रहरीले २५ जनालाई पक्राउ गरेको छ।

प्रहरीका अनुसार तनहुँको आँबुखैरेनी गाउँपालिका–३ तल्लो बजारस्थित एक घरमा जुवातास खेलिरहेको अवस्थामा १० जनालाई नगद ३६ हजार २ सय ६५ रुपैयाँ र ४ बुक तास सहित पक्राउ गरिएको छ।

त्यसैगरी, म्याग्दीको बेनी नगरपालिका–१० वाखेतबाट ७ जनालाई ५२ हजार ८ सय १० रुपैयाँ नगद र ३ बुक तास सहित नियन्त्रणमा लिइएको प्रहरीले जनाएको छ।

यस्तै, नवलपरासी (पूर्व) को देवचुली नगरपालिका–१६ स्थित H.O.P.E. (Hospitality Leisure Resort) मा जुवातास खेलिरहेको अवस्थामा ८ जनालाई ४२ हजार ९ सय ५ रुपैयाँ नगद र ८ बुक तास सहित पक्राउ गरिएको छ।

पक्राउ परेका सबैमाथि आवश्यक कानुनी प्रक्रिया अघि बढाइएको तथा घटनाबारे थप अनुसन्धान भइरहेको नेपाल प्रहरीले जनाएको छ।