खोटाङमा खुकुरी प्रहारबाट एक जनाको मृत्यु, हत्या आरोपमा ५३ वर्षीय व्यक्ति पक्राउ

खोटाङ, खोटाङको दिप्रुङ चुइचुम्मा गाउँपालिका–१ मोरिया याम्खामा खुकुरी प्रहारबाट एक जनाको मृत्यु भएको घटनामा प्रहरीले एक जनालाई पक्राउ गरेको छ।

प्रहरीका अनुसार मृत्यु हुनेमा ३५ वर्षीय धुर्ब अधिकारी रहेका छन्। हत्या आरोपमा सोही स्थानका ५३ वर्षीय तिलक बहादुर मग्राती पक्राउ परेका छन्।

प्रारम्भिक अनुसन्धानअनुसार तिलक बहादुर मग्रातीको घरमा भएको विवादका क्रममा खुकुरी प्रहार हुँदा धुर्ब अधिकारीको घटनास्थलमै मृत्यु भएको थियो।

घटनाको जानकारी प्राप्त हुनासाथ जिल्ला प्रहरी कार्यालय खोटाङबाट खटिएको प्रहरी टोलीले आरोपितलाई पक्राउ गरेको जनाएको छ।

प्रहरीले घटनाबारे थप अनुसन्धान भइरहेको जनाएको छ।