हात्ती रोक्न बिछ्याइएको विद्युतीय तारमा करेन्ट लाग्दा ३६ वर्षीय पुरुषको मृत्यु

झापा, झापाको भद्रपुर नगरपालिका–२ स्थित खेतमा काम गर्ने क्रममा करेन्ट लागेर एक जनाको मृत्यु भएको छ।

मृत्यु हुनेमा भद्रपुर नगरपालिका–२ निवासी ३६ वर्षीय सुरेश लिम्बु रहेका छन्।

प्रहरीका अनुसार खेतबारीमा काम गरिरहेका बेला हात्ती छेक्नका लागि जडान गरिएको विद्युतीय तारबाट करेन्ट लागेर उनी गम्भीर घाइते भएका थिए। उपचारका लागि तत्काल ओमसाई अस्पताल, भद्रपुर लगिए पनि उपचारकै क्रममा उनको मृत्यु भएको प्रहरीले जनाएको छ।

घटनाबारे आवश्यक अनुसन्धान भइरहेको प्रहरीले जानकारी दिएको छ।