जीवन बचाउने अभियान: चलचित्र विकास बोर्डको २६औँ वार्षिकोत्सवको पूर्वसन्ध्यामा रक्तदान कार्यक्रम

काठमाडौं, असार १३। मानवताको उत्कृष्ट उदाहरण प्रस्तुत गर्दै चलचित्र विकास बोर्डको २६औँ वार्षिकोत्सवको पूर्वसन्ध्यामा रक्तदान कार्यक्रम सुरु भएको छ।

चलचित्र विकास बोर्ड र लायन्स इन्टरनेशनल डिस्ट्रिक्ट 325 F को संयुक्त सहकार्यमा आयोजित उक्त कार्यक्रम आज दिउँसो १ बजेसम्मसञ्चालन हुनेछ। कार्यक्रममा चलचित्रकर्मी, सामाजिक अभियन्ता तथा सर्वसाधारणको उत्साहजनक सहभागिता रहेको छ।

आयोजकका अनुसार रक्तदानको माध्यमबाट जीवन बचाउने सन्देश फैलाउने र सामाजिक उत्तरदायित्वलाई प्रवर्द्धन गर्ने उद्देश्यले कार्यक्रम आयोजना गरिएको हो। एक युनिट रगतले बिरामीको जीवन बचाउन सक्ने भएकाले स्वस्थ नागरिकलाई रक्तदानमा सहभागी हुन पनि आग्रह गरिएको छ।

चलचित्र विकास बोर्डले आफ्नो वार्षिकोत्सवलाई केवल औपचारिक समारोहमा सीमित नराखी सामाजिक सेवासँग जोड्दै मानवताको सन्देश प्रवाह गर्ने प्रयास गरेको जनाएको छ।

Photo: Film Development Board, Nepal