न्यूरोडबाट स्रोत नखुलेको ८ लाख ६१ हजार रुपैयाँसहित एक युवक पक्राउ

काठमाडौं, जेठ — काठमाडौं महानगरपालिका–२२ न्यूरोड क्षेत्रबाट स्रोत नखुलेको नगद ८ लाख ६१ हजार ५ सय रुपैयाँसहित एक युवकलाई प्रहरीले पक्राउ गरेको छ।

पक्राउ पर्नेमा सिन्धुपाल्चोक घर भई भक्तपुर लोकन्थली बस्ने २६ वर्षीय सविन तिमल्सिना रहेका छन्।

प्रहरी वृत्त जनसेवाबाट खटिएको प्रहरी टोलीले शंकास्पद गतिविधिका आधारमा जाँच गर्ने क्रममा उनको साथबाट उक्त रकम बरामद गरेको जनाएको छ।

बरामद रकमको स्रोत र प्रयोजनबारे अनुसन्धान भइरहेको प्रहरीले जनाएको छ। घटनासम्बन्धी थप विवरण संकलन तथा आवश्यक कानुनी प्रक्रिया अगाडि बढाइएको छ।

आर्थिक अपराध तथा अवैध कारोबार नियन्त्रणका लागि प्रहरीले निगरानी र अनुसन्धानलाई निरन्तरता दिएको जनाएको छ।