नाबालिकामाथि जबरजस्ती करणी अभियोगमा एक जना पक्राउ

बाँकेमा १४ वर्षीया बालिकामाथि जबरजस्ती करणी गरेको अभियोगमा एक युवक पक्राउ परेका छन् ।

कोहलपुर नगरपालिका–१ कौशिलानगर बस्ने २५ वर्षीय धिरज लामिछाने मगरलाई उक्त आरोपमा प्रहरीले नियन्त्रणमा लिएको हो ।

पीडित बालिकामाथि जबरजस्ती करणी गरेको भन्ने उजुरीपछि इलाका प्रहरी कार्यालय कोहलपुरबाट खटिएको प्रहरी टोलीले बिहीबार साँझ उनलाई पक्राउ गरेको जनाएको छ ।

घटनाबारे प्रहरीले आवश्यक अनुसन्धान भइरहेको जनाएको छ ।