पोखरेलको सवालः “सिंहदरवार जलाउन उक्साउने को हो?” – बालेन साहलाई लक्षित

काठमाडौं – नेकपा एमालेका महासचिव शंकर पोखरेलले सिंहदरवार जलाउन उक्साउने व्यक्ति वा समूहको विषयमा प्रश्न उठाउँदै काठमाडौंका मेयर बालेन साहलाई लक्षित गर्नुभएको छ।

पोखरेलले फेसबुकमा लेख्नुभयो:

“भुकम्पले थिलोथिलो भएको सिंहदरवार पुरानै स्वरुपमा पुननिर्माण गर्ने को हो? र त्यसलाई जलाउन उक्साउने र जलाउने को हो?”

यसअघि केही महिना अघि, सार्वजनिक विदाको दिन मेयर साहकी श्रीमती चढेको सरकारी गाडी ट्राफिकले रोकेपछि उनी सिंहदरवार जलाइदिने धम्कि दिएका थिए। त्यसपछि जेनजी आन्दोलनको क्रममा सिंहदरवार जलाइएको घटना भएको थियो।

पोखरेलको यस बयानले फेरि सिंहदरवार घटनासँग सम्बन्धित राजनीतिक आरोप–प्रत्यारोपको चर्को बहस सुरु गरेको छ।

Source : Ganesh Acharya